ფინანსები
28/04/2021
კობა გვენეტაძე: ₾200 000-იანი ჭერის ჩამოწევა იქნება გამოუსწორებელი შეცდომა
სავალუტო სესხებზე ჭერის შემცირებას ეროვნული ბანკი არ განიხილავს.
„200 000 ლარიანი ჭერის ჩამოწევა იქნება გამოუსწორებელი შეცდომა,“- ამის შესახებ ეროვნული ბანკის პრეზიდენტმა განაცხადა.
კობა გვენეტაძის განმარტებით, ამ მიმართულებით ცვლილება არ განიხილება.
„200 000 ლარიანი ჭერის ჩამოწევა მე რამდენადაც ვიცი, არ განიხილება და თუ მოხდა ეს იქნება გამოუსწორებელი შეცდომა. ლარიზაცია არის გრძელვადიანი პროცესი და მისი მიღწევა მოკლევადიანი პერიოდის მთავარი პრიორიტეტი ვერ იქნება. სწორედ ლარიზაციის ნაბიჯების გამო არის შესაძლებელი დღეს, რომ ფინანსური სისტემა აგრძელებს ეკონომიკის დაკრედიტებას და ამან კიდევ უფრო მეტად დაგვანახა ლარიზაციის დადებითი მხარეები, სარგებელი და ის რომ აუცილებლად უნდა განხორციელებულიყო", - განაცხადა სებ-ის პრეზიდენტმა.
