ეროვნული ბანკი უმოქმედო სესხების ზრდის პიკს ზამთარში ელის

ეროვნული ბანკი უმოქმედო სესხების ზრდის პიკს ზამთარში ელის. როგორც სებ-ის ფინანსური სტაბილურობის დეპარტამენტის უფროსმა „ბიზნესპარტნიორს“ განუცხადა, ამ მაჩვენებლის 10%-მდე ზრდაა მოსალოდნელი.

„თუ შევხედავთ, უმოქმედო სესხებს, ამ დროის მონაცემებით მისი წილი 4.5%-დან 7.6%-მდეა გაზრდილი. ველით, რომ ეს მაჩვენებელ პიკურ 10%-იან მაჩვენებელს მიახლოვდება. თუ საბაზისო სცენარით განვითარდა მოვლენები, რაც გულისხმობს, რომ მომდევნო წლის ზაფხულიდან ეკონომიკამ მნიშვნელოვნად დაიწყო აღდგენა და დაუახლოვდა 2019 წლის მაჩვენებლს, შედეგად უმოქმედო სესხების წილის მორიგი ზრდა აღარ მოხდება,“ - აღნიშნა დავით უტიაშვილმა.

რაც შეეხება ვადაგადაცილებულ სესხებს, დავით უტიაშვილის ინფორმაციით, ეს მაჩვენებელი 2,4%-იან ნიშნულზეა.

„ვადაგადაცილებები პანდემიის დაწყების შემდეგ არ არის გაზრდილი, ამის მიზეზი კი გახლავთ ის გარემოება, რომ ბანკებმა მსესხებლებს ფინანსური ვალდებულებების გადავადება შესთავაზეს", - განმარტავს უტიაშვილი.