EBRD თიბისი ბანკში თავის წილს ამცირებს

ევროპის რეკონსტრუქციისა და განვითარების ბანკმა (EBRD) “თიბისი ბანკში“ თავისი წილი შეამცირა. ბანკმა ლონდონის საფონდო ბირჟაზე (LSE) 850,000 აქცია დაჩქარებული წესით განათავსა და გაყიდა.

22 ნოემბერს გაყიდული აქციები თიბისი ბანკის მთლიანი აქციების 1,5 პროცენტია. ამასთან, EBRD ინარჩუნებს თავისი ხანგრძლივვადიანი პარტნიორის აქციების 3,5 პროცენტს.

ორგანიზაციის ცნობით, როგორც მუდმივი აქციონერი, EBRD რჩება თიბისი ბანკის ერთგული და მხარს უჭერს მას რეგიონულ გაფართოებაში.

EBRD-მა თიბისი ბანკის აქციები 2009 წელს შეიძინა ფართო დაფინანსების პაკეტის ფარგლებში. შემდგომში, ბანკი წარმატებით დაილისტა ლონდონის საფონდო ბირჟაზე, ხოლო 2016 წელს ძირითადი ბაზრის პრემიუმ სეგმენტში გადაინაცვლა.