დაკრედიტების ზრდა შენელდა - ბანკები საკრედიტო პორტფელით
რეგულაციების და განაკვეთების გლობალური ზრდის წნეხის მიუხედავად, საბანკო სექტორი დაკრედიტების ზრდას ინარჩუნებს, წლიურ (Y.Y) 4% -ზე, კურსის ცვლილების ეფექტით და მის გარეშე +12%Y.Y -ს.
ლარში დაკრედიტების ზრდა +25%Y.Y –დან, 16,5%-მდეა შენელებული, უცხოურ ვალუტაში კი 13%-დან 8%-მდე.
სებ-ის ინფორმაციით, 01.01.2023 -ის მდგომარეობით ბიზნეს სესხების 20.2 მლრდ ლარია და 62% -12,7 მლრდ ლარის, სავალუტოზე მოდის.
უცხოურ ვალუტაში კომპანიების დაკრედიტება 1 წელში 1 მილიარდით შემცირებულია (01.01.2022 – ₾ 13,7 მლრდ).
სექტორში ყველაზე გამსხვილებული ბაზისბანკის პორტფელია (01.01.2022 – ₾ 1.255 მლრდ). ჩინური ჰუალინგ ჯგუფის ბანკმა სანქცირებული ვითიბის სესხების ნაწილი გადაიბარა. ნაწილი ერგო ლიბერთის, რომლის სასესხო პორტფელი შარშან 2 მილიარდზე ნაკლების იყო (01.01.2022 – ₾ 1,975 მლრდ)
ბანკები დაკრედიტებით და სასესხო შემოსავლებით:
|
სესხები 000 ₾ |
რეზერვი ₾ |
თიბისი |
17,834,149 |
-623 721 000 |
საქართველოს ბანკი |
16,316,961 |
-622 256 000 |
ლიბერთი |
2,501,952 |
-130 738 000 |
ბაზისბანკი |
2,076,335 |
-75 031 000 |
კრედო |
1,792,622 |
-59 535 000 |
პროკრედიტ ბანკი |
1,150,714 |
-39 857 000 |
ტერა ბანკი |
1,074,140 |
-44 906 000 |
ბანკი ქართუი |
760,271 |
-110 300 000 |
წყარო: კომერციული ბანკები
2023 წლის იანვრის ანგარიშგებას ბანკები უკვე IFRS -ით წარმოადგენენ, რომელსაც ლიბერალური მიდგომები შემოაქვს, ძირითადად დარეზერვების ნაწილში (რეზერვების ნაწილს გამოუთავისუფლებს) . სესხების შესაძლო დანაკარგების რეზერვის 5 დონიანი სისტემა, რომელიც ბანკს 2%-დან 100%-მდე სარეზერვო ნორმას უწესებდა სესხების 5 კატეგორიაზე (საიმედო, საყურადღებო, არასტანდარტული, საეჭვო, უიმედო) 3 დონიანით იცვლება (მოსალოდნელი საკრედიტო ზარალი).