ბაზარზე 4 ზარალიანი ბანკია
კაპიტალზე და აქტივებზე უკუგების (ROE,ROA) ნეგატიური მაჩვენებლით, ბაზარზე 4 ბანკია.თუმცა რელურად ზარალიანი ბანკების რაოდენობა 2-ია:პაშა ბანკი (აზერბაიჯანული ბანკის შვილობილი) და სილქ ბანკი.
ზარალზეა ბაზარზე ახლადშესული პეისერა. ციფრულ ბანკს უფრო მეტი ხარჯი აქვს. მათ შორის, პერსონალის და უარყოფითი ROE – 30.4% ამით აიხსნება.
მარტიდან (2022) ზარალი მოყვება ვითიბის. სანქცირებულ ბანკს ზარალი პორტფელის გასხვისების გამო თებერვალში წარმოექმნა. (ხარჯი სესხების იაფად შესყიდვამ გაზარდა. მაგ: თუ სასესხო ვადის ბოლოს ვითიბისთვის კლიენტს უნდა დაეფარა 1 000 ლარი (პირობითად), პორტფელის მყიდველმა დაუფარა ₾800, ვადამდე).
ვითიბის ROE, 01.02.2023-ის მდგომარეობით -4.7%-ია. სანქცირებიდან მნიშვნელოვანი პროგრესია. Q1/2022-ისთვის კაპიტალზე უკუგების -30.7%-იანი კოეფიციენტი ჰქონდა და 27 მლნ ლარამდე ზარალი.
პაშა ბანკს, 01.02.2023-ისთვის კაპიტალზე ზარალიანობა აქვს -1,6% და 128 000 ლარის ზარალი. სილქ ბანკის იანვრის ზარალი 288 572 ლარია და კაპიტალზე ზარალიანობა (უარყოფითი ROE) -6.6%**.
ზარალიანი ბანკები
|
01.02.2023 ₾ |
სილქ ბანკი |
-289,000 |
პაშა ბანკი |
-128,000 |
ვითიბი ბანკი |
-1,045,000 |
პეისერა |
-75,000 |
წყარო: კომერციული ბანკები
**უარყოფითი ROE იწვევს აქციონერი/ინვესტორის უკმაყოფილებას, რადგან ბანკის კაპიტალი წამგებიანია. -6.6%-იანი უკუგებიასას ყოველ 100 ლარის კაპიტალზე 7 ლარამდე აგებს.