ბანკების მომგებიანობამ სებ-ის მოლოდინს გადააჭარბა
საბანკო სექტორის მომგებიანობამ (კაპიტალზე) ზედამხედველის მოლოდინს გადააჭარბა. ბანკებმა 2022 წელი 25%-მდე უკუგებით დაასრულეს (ROE).
სებ-ის ვიცე-პრეზიდენტი პაპუნა ლეჟავა 20% -ს პროგნოზირებდა, რაც არის ინვესტორების მოლოდინი და რის მიხედვითაც ხდება საბანკო პროდუქტების ფასდადება.
ასე რომ საქართველოს ბაზარზე მოქმედი ბანკების ინვესტორები 2022-ით მეტ-ნაკლებად კაყოფილები არიან (სანქცირებული რუსული ვითიბის გარდა).
ბანკები კაპიტალით და კაპიტალზე მომგებიანობით (01.01.2023)
|
000 ₾არი |
ROE % |
თიბისი |
3,587,892 |
26.60% |
საქართველოს ბანკი |
3,206,236 |
32.81% |
ლიბერთი |
405,353 |
18.30% |
ბაზისბანკი |
377,410 |
16.57% |
პროკრედიტ ბანკი |
283,484 |
17.82% |
ქართუ ბანკი |
246,125 |
25.35% |
წყარო: ბანკები
ბანკების სააქციო კაპიტალი წლიურად 20%-ით არის გაზრდილი, 9,25 მლრდ ლარამდე (l/y– ₾7.7 მლრდ).
ROE შარშან უფრო მაღალი იყო (01.01.2022 - 30,7%), წმინდა მოგება კი მიახლოებული 01.01.2022 - ₾2.082 მლრდ, 01.01.2023 - ₾ 2.085 მლრდ) რასაც სებ-ი ბანკების საკრედიტო დანაკარგების სარეზერვო ხარჯის შემიმცირით ხსნის.
პაპუნა ლეჟავას თქმით, ბანკებმა 1.2 მლრდ ზარალი მიიღეს კოვიდის შოკით, რომელიც ფარავდა 3 წლის ჯამურ შოკს, შესაბამისად მომდევნო წლებში სექტორს ზარალი აღარ უნახავს.კაპიტალზე მომგებიანობა კი 2020 წელს 2% იყო, ინვესტორების მოლოდინზე 10-ჯერ ნაკლები.