ანაბრებზე საპროცენტო განაკვეთი მცირდება
საბანკო სექტორის ნაწილმა მომხმარებლებს დოლარში განთავსებულ დეპოზიტებზე საპროცენტო განაკვეთის შემცირების შესახებ აცნობეს. ანაბრებზე დარიცხული სარგებელი მომხმარებლებს აპრილიდან შეუმცირდებათ.
როგორც საბანკო ასოციაციაში განმარტავენ, საპროცენტო განაკვეთის ცვლილება მაქსიმუმ 1% შეიძლება იყოს.
„ანაბრებზე არის მიზერული 0.25%-იანი ან მაქსიმუმ 1%-იანი ცვლილება. მინდა აღვნიშნო, რომ ეს პროცესი ამ ეტაპზე არ არის სისტემური ხასიათის და ყველა ბანკს არ შეუმცირებია ჯერჯერობით სარგებლის მოცულობა. საქმე გვაქვს კონკრეტულ გადაწყვეტილებებთან. აღნიშნული ძირითადად გამოწვეულია შედარებით მაღალი ლიკვიდობით უცხოურ ვალუტაში და შეზღუდვებით, რომლის მიხედვითაც უცხოურ ვალუტაში დაბანდება ბევრად უფრო პრობლემურია ვიდრე ლარში,“ - განმარტავს ასოციაციის პრეზიდენტი ალექსანდრე ძნელაძე.
მისივე თქმით, უცხოურ ვალუტაში სადეპოზიტო მიმართულებით პროცენტების შემცირება კრიზისის მიუხედავადაც მოსალოდნელი იყო, თუმცა კრიზისმა პროცესს ხელი შეუწყო.
