2022 წელს ფინანსური ანგარიშგების გამოქვეყნების მაჩვენებლები შემცირდა
2022 წელს ფინანსური ანგარიშგება 75 659 კომპანიამ გამოაქვეყნა. მაჩვენებლები წინა წელთან შედარებით შემცირებულია.
კერძოდ, 2021 წელს კომპანიის ფინასნური მაჩვენებლების შესახებ ინფორმაცია 76 733-მა კომპანიამ გაასაჯაროვა, საიდანაც 71 000-ზე მეტი მეოთხე კატეგორისა იყო.
ბუღალტრული აღრიცხვის, ანგარიშგებისა და აუდიტის ზედამხედველობის სამსახურმა 2022 წელს, ფინანსურ სტანდარტებთან შესაბამისობის შეფასების ფარგლებში, 40 ფინანსური ანგარიშგება შეამოწმა.
უწყების ინფორმაციით, მომავალ წელს ეს მაჩვენებლები გაიზრდება.
ცნობისთვის, ფინანსური ანგარიშგების გამოქვეყნების ვალდებულება მსხვილ კომპანიებს 2017 წლიდან დაევალათ. საწარმოები ოთხ კატეგორიად იყოფიან, მეოთხე გატეგორიის კომპანიებისთვის ფინანსური ანგარშგების მომზადებისა და გამოქვეყნების ვადა თავდაპირველად 2019 წლიდან უნდა ამოქმედებულიყო, თუმცა რეგულაცია 2021 წლამდე გადავადდა.
