ლევან დავითაშვილი: ნამახვანი ჰესის პროექტი უნდა განხორციელდეს, ოღონდ სწორად
ეკონომიკის მინისტრის განცხადებით, ნამახვანი ჰესის პროექტი უნდა განხორციელდეს.
ლევან დავითაშვილის განმარტებით, ამ პროცესში არსებული ხარვეზები უნდა გამოსწორდეს და მოსახლეობასთან მეტი კომუნიკაცია დამყარდეს.
"სამწუხაროა, რომ კიდევ ერთი პროექტის დაგვიანებაზე გვიწევს საუბარი. ამაზე პასუხისმგებლობა ბევრმა მხარემ უნდა გაიზიაროს. აქ არ იყო მხოლოდ ერთი რგოლის პრობლემა. კომუნიკაციის პრობლემა იყო ინვესტორიც მხრიდანაც. ასევე გადამეტებული და უპასუხისმგებლობები ქმედებები დავინახეთ ზოგიერთი ჯგუფის მიერ. ამან სახელმწიფოს რისკები შეუქმნა. საბოლოოდ, ეს პროცესი უნდა განხორციელდეს, სწორად. მოსახლეობასთან მეტი კომუნიკაცია უნდა დავამყაროთ",- აღნიშნა მინისტრმა.
მისივე განმარტებით, ასეთ მსხვილ პროექტებში, განსაკუთრებით კი ენერგეტიკის დარგში, აუცილებელია სახელმწიფოს მეტი მონაწილეობა.
"ჩვენ ვფიქრობთ, რომ მსხვილ ენერგეტიკულ პროექტებში საჭიროა მეტი სახელმწიფო მონაწილეობა. ენერგეტიკული პროექტები თავისი სპეციფიკიდან გამომდინარე მეტ ჩართულობას მოითხოვს",- განაცხადა დავითაშვილმა.
