ეკონომიკა
08/12/2021

რატომ აღარ რეაგირებს ლარი თურქული ლირის გაუფასურებაზე – სებ-ის განმარტება

თურქული ლირის კურსი მნიშვნელოვანი ცვლადია საქართველოსთვის, თუმცა ის არ არის ერთადერთი, რაც ლარზე ახდენს გავლენას, - განაცხადა ეროვნული ბანკის პრეზიდენტმა კითხვაზე - რატომ აღარ რეაგირებს ლარი თურქული ლირის გაუფასურებაზე საპასუხოდ.

კობა გვენეტააძის თქმით, ბევრი ფაქტორი შეიძლება მოქმედებდეს ლარზე, შეიძლება არსებობდეს სხვადასხვა მიზეზი, რომელიც ლარზე ლირის გაუფასურების გავლენას დააკომპენსირებს.

“მაგალითად, საქართველოს შემთხვევაში ეს არის ის, რომ წინა წელთან შედარებით ტურიზმიდან შემოსავლები აღდგა, ექსპორტი საკმაოდ კარგად გაიზარდა, მონეტარული პოლიტიკა გამკაცრებული გვაქვს, რაც ასევე ზრდის ლარის აქტივობის მიმზიდველობას. გარდა ამისა, არის ერთი ფაქტორი, რომელსაც ვაკვირდებით. როდესაც ლირის გაუფასურების ადრეულ პერიოდებს ვუყურებდით, მაშინ ეს ნაკლებად ითარგმნებოდა თურქეთში მომატებულ ინფლაციურ მოლოდინებზე და ინფლაციაზე, ხოლო ბოლო პერიოდში ხანგრძლივმა გაუფასურებამ შედარებით სწრაფი და ძლიერი გახადა ეს პროცესი.

აქედან გამომდინარე, დღეს მაღალია მოლოდინი, რომ ლირის გაუფასურება თურქეთის ფასების ზრდაში უფრო მეტად აისახება და შესაძლოა თურქული პროდუქცია ბოლო გაუფასურებამ აღარც გააიაფოს უცხოელებისთვის და ის დაწოლა, რაც ამ დროს ხდება ხოლმე ადგილობრივ ვალუტაზე, აღარ განხორციელდეს. ყოველ შემთხვევაში, ეს არის ის ფაქტორები რასაც დღეს ჩვენ ვუყურებთ," - აღნიშნავს კობა გვენეტაძე.

Businesspartner

მთავარი სიახლეები

ბიზნესი

რა კომპანიებში ფლობს წილს ხვიჩა მაქაცარია, რომელმაც “თელასის“ 24.5%-იანი წილი იყიდა
01

09/09/2020
ბიზნესი

"პასკა გემუანი" დიაბეტურ საკონდიტრო ნაწარმს გამოუშვებს
02

30/04/2021
ეკონომიკა

საქართველოსა და კორეას შორის თავისუფალ ვაჭრობაზე მოლაპარაკებები 2024 წლის თებერვალში გაიმართება
03

03/11/2023
მსოფლიო

გამოუყენებელი სატელიტური ანტენები შვეიცარიაში მზის გიგანტურ პანელებად გადააკეთეს
04

23/10/2023
სოფლის მეურნეობა

"ქვეყანას ბოსტენეულის წარმოებაში იმპორტის ჩანაცვლების პოტენციალი გააჩნია"
05

03/11/2023
ეკონომიკა

ირაკლი ღარიბაშვილი: 2024 წლის ბიუჯეტში, 5%-იანი ეკონომიკური ზრდა გვაქვს გათვალისწინებული
06

03/11/2023