ნავთობის გაიაფება საქართველოს აზიანებს
ნავთობის ფასების დღევანდელ დონეზე შენარჩუნება საქართველოს ეკონომიკისათვის დამაზიანებელი იქნება, რადგან იმპორტის შემცირების პოზიტიურ ეფექტს ნავთობექსპორტიორი ქვეყნებიდან ტურიზმის, ექსპორტისა და გზავნილების სახით შემოსავლების კლება გადაწონის, – ნათქვამია თიბისი კაპიტალის კვლევაში.
„ეს გამოწვეულია იმ ფაქტით, რომ ნავთობის დღევანდელი ფასი ჩამოცდა რეგიონში ნავთობექსპორტიორი ქვეყნების ბიუჯეტით დაგეგმილ მაჩვენებლებს
საბაზო სცენარით მოსალოდნელია წლის ბოლოსათვის ნავთობის ფასის ეტაპობრივი ზრდა 45-50$-მდე. 2014-16 წლებისაგან განსხვავებით, ფასის ეს მაჩვენებელი აღარ შექმნის მნიშვნელოვან ზეწოლას რეგიონში ნავთობზე დამოკიდებულ ქვეყნებზე და შესაბამისად, აქედან მატერიალური ნეგატიური ეფექტი სამომავლოდ არ არის მოსალოდნელი.
ასევე გასათვალისწინებელია, რომ ზოგადად, ფასის ვარდნისას, ნავთობექსპორტიორი ქვეყნებიდან შემოსავლები, ნავთობის იმპორტთან შედარებით ნაკლები პროცენტული მაჩვენებლით მცირდება”, – ნათქვამია თიბისი კაპიტალი კვლევაში.
