ნათია თურნავა: კონსერვატიული გათვლებით, ეკონომიკის 4%-იანი ვარდნაა მოსალოდნელი
ანტიკრიზისული გეგმისთვის მობილიზებული 3.5 მილიარდიდან ბიზნესის მხარდასაჭერად მნიშვნელოვანი პაკეტია მობილიზებული.
ეკონომიკის მინისტრი ამბობს, რომ მთავარი მიზანია სამუშაო ადგილებისა და შემოსავლების შენარჩუნება.
ნათია თურნავამ აღნიშნა, რომ წელს, კონსერვატიული გათვლებით, ეკონომიკის 4%-იანი ვარდნაა ნავარაუდევი, თუმცა კრიზისის შემარბილებელი ღონისძიებების გატარებით, ეფექტური პოლიტიკის და ანტიკრიზისული გეგმით, ქვეყანა შეძლებს 2021 წელს, სულ მცირე, 4%-იან ზრდაზე დაბრუნდეს, რისთვისაც მთავრობა „ყველაფერს გააკეთებს“.
ეკონომიკის მინისტრმა პრეზენტაციაზე აღნიშნა, COVID 19 -ის პანდემიის გამო, 2020 წელს, მსოფლიოში 50%-ით შემცირდება შემოსავლები და 25%-ით შემცირდება დასაქმება. გამოწვევები ექნება საქართველოსაც.
მინისტრმა მადლობა გადაუხადა ბიზნესის წარმომადგენლებს, ვინც მიუხედავად პრობლემებისა სამუშაო ადგილებს ინარჩუნებენ.
