მოგების გადასახადის ესტონური მოდელი, შესაძლოა ინდმეწარმეებზეც გავრცელდეს

მოგების გადასახადის ესტონური მოდელი, შესაძლოა ინდმეწარმეებზეც გავრცელდეს. ფინანსთა მინისტრის მოადგილის მამუკა ბარათაშვილის განცხადებით, საკითხთან დაკავშირებით კვლევები მიმდინარეობს.

„ფინანსთა სამინისტოს უახლოეს გეგმებშია, რომ მოგების გადასახადის ესტონურ მოდელზე ინდმეწარმეებიც გადავიდნენ. რაც იმას ნიშნავს, რომ ინდმეწარმეების მხოლოდ იმ შემთხვევაში დაიბეგრებიან, თუკი მათი პირადი მიზნისთვის მოხდება თანხების გამოყენება. საბოლოო გადაწყვეტილება ამ საკითხთან დაკავშირებით ჯერ-ჯერობით მიღებული არ არის და კვლევები გრძელდება. მოკვლევის შედეგად გახდება ცნობილი როდის გავრცელდება ინდმეწარმეებზე მოგების გადასახადის ესტონური მოდელი.“-აღნშნა მამუკა ბარათაშვილმა.

მისივე განმარტებით, ამ რეფორმის შედეგად ინდმეწარმეები 100 მილიონამდე ლარის დაზოგვას შეძლებენ.

ცნობისთვის, მოგების გადასახადის ე.წ. „ესტონური მოდელი“, რომელიც მიღებული მოგების რეინვესტირების შემთხვევაში, კომპანიას მოგების გადასახადისგან ათავისუფლებს საქართველოში 2018 წლიდან ამოქმედდა.

მთავრობის ბოლო გადაწყვეტილებით დაბეგვრის ეს რჟიმი საბანკო სექტორზე აღარ გავრცელდება. ამის სანაცვლოდ, მოგების გადასახადი ბანკებისთვის 15%-ის ნაცვლად, 20% იქნება. სადაზღვევო სექტორი კი მათზე ესტონური მოდელის გავრცელებას 2024 წლიდან ელის.