ირაკლი კოვზანაძე: 6%-იანი ეკონომიკური ზრდა, რთული მისაღწევი იქნება

„6%-იანი ზრდა ალბათ რთული მისაღწევი იქნება, იმ მოვლენებიდან გამომდინარე რაც რეგიონშია,“ - პარლამენტის საფინანსო-საბიუჯეტო კომიტეტის თავმჯდომარე მშპ-ს ზრდის პროგნოზის გადახედვას ელის.

ირაკლი კოვზანაძე ელის, რომ შემცირდება ექსპორტიდან, ტურიზმიდან და ფულადი გზავნილებიდან შემოსავლები.

„ინფლაცია არის გამოწვევა. ვიდრე ომი დაიწყებოდა, პრობლემები ჩვენს რეგიონში. მანამდე სანედლეულო ბაზარზე, მათ შორის, სამშენებლო სექტორში, სურსათზე ფასების ზრდა შეინიშნებოდა. ეს გეოპოლიტიკური შოკი აუცილებლად გადაეცემა ეკონომიკას, ეს გამოიწვევს ფასების ზრდის დაჩქარებას. ეს პროცესები გადაეცემა საქართველოს ეკონომიკას და იქნება გარკვეული წნეხი ლარის კურსსა და ინფლაციაზე“, - აცხადებს ირაკლი კოვზანაძე.

მისი თქმით, ცენტრალურ ბანკს მოუწევს მკაცრი მონეტარული პოლიტიკის შენარჩუნება.

შეგახსენებთ, რეფინანსირების განაკვეთი 10.5%-ზეა, რაც 2008 წლის შემდეგ ყველაზე მაღალი მაჩვენებელია.