გერმანიაში სატვირთო მანქანების ქართველი მძღოლები გაიფიცნენ და კუთვნილ ანაზღაურებას ითხოვენ
გერმანიაში ქართველი მძღოლები მასშტაბურად გაიფიცნენ. უკვე 2 კვირაა 200-მდე მძღოლი კუთვნილ ანაზღაურებას ითხოვს.
როგორც საქართველოს პროფესიული კავშირების გაერთიანებაში აცხადებენ, მძღოლების უფლებები დიდიხანია ირღვევა და მნიშვნელოვანია ამ პრობლემების ორმხრივი ურთიერთობებით მოგვარება.
„საქართველოს მოქალაქის უფლებები სახელმწიფომ მსოფლიოს ნებისმიერ წერტილში უნდა დაიცვას და ეს ყველაფერი მიგრაციის შესახებ კანონში უნდა იყოს ასახული. პროცესში საქართველოს მხარესთან ერთად ჩართულია პოლონეთის და გერმანიის პროფკავშირებიც. ასევე იგივე პრობლემების წინაშე არიან იტალიაში დასაქმებული მძღოლებიც, რომლებიც სოლიდარობას უცხადებენ დანარჩენ მძღოლებს.
ამ ხალხს საკვების საშუალებაც კი არ ქონდათ, იქედან გამომდინარე რომ ხელფასები არ აქვთ და უცხო ქვეყანაში იმყოფებიან. ასევე, გერმანიის პროფკავშირების იურისტებმა აღმოაჩინეს, რომ მძღოლები არა შრომით უერთიერთობებში, არამედ მომსახურებას ეწევიან და ტვირთის მიტანა - არ მიტანაზე პასუხისმგებლები არიან თავად, ოღონდ ამ ყველაფერს განსაზღვრავს მისი დამსაქმებლები რომელიც არ უნაზღაურებს მათ ხელფასებს. პროფკავშირების ჩართულობის შემდეგ დამსაქმებელი ასე ვთქვათ „შეშინდა“ და მძღოლებს ზეპირი პირობა მისცა ხელფასების გადახდაზე, თუმცა ეს პროცესი აუცილებლად მივა ბოლომდე,"- -აღნიშნავს "საქართველოს პროფესიული კავშირების გაერთიანების" თავმჯდომარე ირაკლი პეტრიაშვილი.
მისივე თქმით, მიგრაციის კანონმდებლობაში რომ იყოს გარკვეული ვალდებულება, ბევრად უფრო ეფექტურად შეძლებდა სახელმწიფო მათ დახმარებას.
