10 ყველაზე ძვირად გაყიდული სახელმწიფო ქონების ჩამონათვალი - 2023 წლის I კვარტალი
პირველ კვარტალში ქონების ეროვნულმა სააგენტომ 46.3 მლნ ლარზე მეტი ღირებულების სახელმწიფო ქონება გაასხვისა.
სააგენტოს ინფორმაციით, საპრივატიზებო გეგმით გათვალისწინებული 28 000 000 ლარის ნაცვლად სახელმწიფო ბიუჯეტში 29. 5 მლნ ლარი შევიდა. პირველ სამ თვეში სახელმწიფო ქონების ეროვნულმა სააგენტომ 667 აუქციონი გამოაცხადა.
საპრივატიზაციო ობიექტებიდან ყველაზე ძვირად თბილისში, გრიგოლ ფერაძის ქუჩა N4ა-ში მდებარე 6232.00 კვ.მ. არასასოფლო-სამეურნეო დანიშნულების მიწის ნაკვეთი გაიყიდა. უძრავი ქონება, რომლის საწყისი ფასიც 4.4 მლნ ლარი იყო, ჩაჩავას კლინიკის საკუთრებაში გადავიდა.
10 ყველაზე ძვირად გაყიდული სახელმწიფო ქონების ჩამონათვალი ასეთია:
ქალაქ თბილისში, გრიგოლ ფერაძის ქუჩა N4ა-ში მდებარე 6232.00 კვ.მ. არასასოფლო-სამეურნეო დანიშნულების მიწის ნაკვეთი, საწყისი ფასი 4,310,000.00 , გამარჯვებული - სს ჩაჩავას კლინიკა.
ქალაქ რუსთავში, მშვიდობის ქუჩის მიმდებარე ტერიტორიაზე არსებული 130241.00 კვ.მ. და 26436.00 კვ.მ. არასასოფლო-სამეურნეო დანიშნულების მიწის ნაკვეთები. საწყისი ფასი 3,140,000.00, გამარჯვებული - შპს "ჯეოსთილი".
ქალაქ თბილისში, დიდ დიღომში, III მიკრო/რაიონში, N26კორპუსის მიმდებარედ არსებული 3179.00 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული N1 (მშენებარე) შენობა-ნაგებობა, საწყისი ფასი 1,345,000.00, გამარჯვებული - გივი შავერდაშვილი.
ქალაქ თბილისში, დიღმის სასწავლო საცდელ მეურნეობაში მდებარე 3570.00 კვ.მ. არასასოფლო-სამეურნეო დანიშნულების მიწის ნაკვეთი საწყისი ფასი 1,982,000.00, გამარჯვებული - შპს "გიო".
ქალაქ თბილისში, ევროპის ჩიხი N2-ში მდებარე 11672.00 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები, საწყისი ფასი 1,915,000.00. გამარჯვებული - შპს "ჯი-თი გრუპ".
ქალაქ თბილისში, მარატ ნოზაძის ქუჩა N37-ში მდებარე 2545.00 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული N1 შენობა-ნაგებობა. საწყისი ფასი 1,500,000 ლარი, გამარჯვებული- დავით ჯიმშელაძე.
ქალაქ თბილისში, მოსკოვის გამზირის N25-ის მიმდებარედ არსებული 6357.00 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული N1- N3 შენობა-ნაგებობები საწყისი ფასი 1,105,000 ლარი, გამარჯვებული, შპს Geovoice
ქალაქ რუსთავში, დავით გარეჯის მიმდებარედ არსებული 53222.00 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული N1 (ნანგრევი) შენობა-ნაგებობა 1,065,000.00 ლარი, გამარჯვებული - შპს "ჯეოსთილი".
ქალაქ თბილისში, ლიბანის II ჩიხის მიმდებარედ არსებული 3529.00 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები. საწყისი ფასი 477,000.00. გამარჯვებული - შპს "ენსო".
ქალაქ თბილისში, ჭირნახულის ქუჩა N16-ში (ნაკვეთი 03/022) მდებარე 11408.00 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები. საწყისი ფასი 1,027,500 ლარი, გამარჯვებული - შპს "ფრანკო".
რაც შეეხება სახელმწიფო საკუთრებაში მოქცეული მოძრავი ქონების აუქციონის წესით გაყიდვას, ამ მიმართულებით ქონების ეროვნული სააგენტოს ინფორმაციით, ჯამში გამოცხადებული იყო 9147 აუქციონი, შედეგად გეგმით გათვალისწინებული 1 875 000 ლარის ნაცვლად, სააგენტომ 2 965 647 ლარის ღირებულების მოძრავი ქონების რეალიზაცია მოახდინა.
