წელს ექსპლუატაციაში მიღებული შენობების რაოდენობა 25%-ით გაიზარდა

მიმდინარე წლის 6 თვის განმავლობაში, საქართველოში ექსპლუატაციაში მიღებული შენობების რაოდენობამ 1,465 ერთეული შეადგინა, რაც წლიურად 25.4%-ითაა გაზრდილი. ჯამური ფართის ოდენობამ კი, რაც ექსპლუატაციაში იქნა მიღებული, 1,337,111 მ2 (+7.3% y.y).

ექსპლუატაციაში მიღებული შენობების უმეტესობა, საცხოვრებელი სახლია - 932 ერთეული (+31.6% y.y), 1,022,551 მ2 (+4.6% y.y). შემდგომ მოდის სავაჭრო ობიექტი (150 ერთეული / +15% y.y) და სამრეწველო და სასაწყობე შენობა (116 ერთეული / +84% y.y).

6 თვეში ყველაზე ცოტა შენობა ჯანდაცვის სექტორში შევიდა ექსპლუატაციაში, კერძოდ კი, მხოლოდ 1 აფთიაქი და 1 ჯამრთელობის დაცვის ობიექტი.
ექსპლუატაციაში მიღებული შენობები 2023 წლის 6 თვეში რეგიონების მიხედვით:

შეგახსენებთ, 2020 წლის 18 აგვისტოს მდგომარეობით დასრულებული და სანებართვო პირობების დარღვევით ნაწარმოები შენობა-ნაგებობის ექსპლუატაციაში მიღებისთვის განცხადებების წარდგენის ვადა 27 ივლისს ამოიწურა. სამშენებლო ამნისტიის მისაღებად მერიაში განცხადებების წარმოდგენისთვის განსაზღვრული იყო ორი წელი.

ამინისტია შეეხებათ ისეთ შენობებს, რომლებიც დასრულებულია, თუმცა სანებართვო პირობების დარღვევით. მაგალითად, დარღვეულია K1, K2, K3 პარამეტრები, ავტოსადგომების რაოდენობა, სიმაღლის რეგულირების ხაზი და ა.შ. თუმცა,  ექსპლუატაციაში მიიღება მხოლოდ ისეთი შენობა-ნაგებობები, რომლებიც, შესაბამისი საექსპერტო დასკვნების მიხედვით, უსაფრთხოების სტანდარტებს აკმაყოფილებენ.

როგორც თვის დასაწყისში თბილისის მერმა, კახა კალაძემ განაცხადა, აღნიშნული კანონის ამოქმედების შემდეგ ექსპლუატაციაში მიღებულია 400-მდე ობიექტი, ხოლო მიმდინარე წარმოებაშია 700-ზე მეტი განცხადება.