თბილისსა და ბათუმში ყველა სეგმენტის ბინაზე მოთხოვნა საგრძნობლად გაიზარდა

RECOV.GE–მ თბილისის და ბათუმის საცხოვრებელი სექტორის 2021 წლის დეკემბრის მონაცემები გამოაქვეყნა, რომლის მიხედვითაც ორივე ქალაქში ყველა სეგმენტის ბინაზე მოთხოვნა საგრძნობლად გაიზარდა.

თბილისში ახალაშენებული ბინების ეკონომ სეგმენტი 81%-ით გაიზარდა. მედიუმ და პრემიუმ სეგმენტებში ტრანზაქციების რაოდენობა, შესაბამისად, 66% და 140%-ითაა გაზრდილი

ბათუმში, 2021 წლის დეკემბერში 1,180 ტრანზაქცია დარეგისტრირდა, რაც 2019 წლის მაჩვენებელთან შედარებით 18%-ით მეტია. რაც შეეხება ბაზრის ზომას, 17%-იანი ზრდა დაფიქსირდა და მოცულობამ 49 მილიონი აშშ დოლარი შეადგინა.ნოემბერში თბილისში ახალაშენებულ ეკონომ სეგმენტის ბინებზე მოთხოვნა 43%-ით გაიზარდა. ტრანზაქციების ზრდა დაფიქსირდა მედიუმ და პრემიუმ სეგმენტებშიც და შესაბამისად, 33%-იანი და 30%-იანი ზრდის ნიშნულებს მიაღწია. ჯამურად, 2021 წლის ნოემბერში, თბილისის ახალაშენებულ პროექტებში 2,416 ტრანზაქცია დარეგისტრირდა, რაც 2019 წლის ანალოგიურ პერიოდს რაც 40%-ით აღემატება.