“ტარიფები არ გაგვიზრდია, მანქანების რაოდენობა თითქმის გავაორმაგეთ“– ტაქსი 5

კომპანია ტაქსი 5–ის დამფუძნებელი ლევან თავართქილაძე „ბიზნესპარტნიორთან“ აცხადებს, რომ ტაქსებზე მოთხოვნა გაზრდილია და პანდემიის დაწყებიდან მანქანების რაოდენობა გააორმაგეს.

„ტარიფები არ გაგვიზრდია, თუმცა, გამოძახების დროს მძღოლები ნაკლებად მიდიან მისმართზე, რადგან ურჩევნიათ ქუჩიდან აიყვანონ მგზავრი და ამ გზით მეტი შემოსავალი მიიღონ.  მაქსიმალურად ვცდილობთ მძღოლები გავგზავნოთ მისამართებზე. უშუალოდ ჩვენს საკუთრებაში მყოფი ავტომობილების მძღოლები ასეც იქცევიან.

15 მანქანა გვყავდა, როგორც იცით ამერიკული ტაქსები ჩამოგვყავს, მარტიდან მოყოლებული დავამატეთ 12 მანქანა და თითქმის გავაორმაგეთ რაოდენობა. უკვე 3 წელია, რაც კომპანია „მაქსიმთან“  ხელშკრულება გვაქვს. თებერვალში მიწევს ამერიკაში ჩასვლა და არ გამოვრიცხავ კიდევ ჩამოვიყვანოთ ტაქსები. რაც შეეხება რეგულაციებს, ყველა წესს ვიცავთ და ვაკონტროლებთ. ჩვენი მანქანებში მძღოლსა და მგზავრს შორს არის ბარიერი და არანაირი შეხება არ აქვთ ერთმანეთთან, არც ფულთან.“– აღნიშნავს ლევან თავართქილაძე.

შეგახსენებთ, 28 ნოემბრიდან ქვეყნის მასშტაბით შეზღუდვები დაწესდა. მათ შორის,  საკოორდინაციო საბჭოს გადაწყვეტილებით,  31 იანვრის ჩათვლით, დაიკეტა სპორტდარბაზები, სავაჭრო მოლები, არ მოძრაობს საზოგადოებრივი ტრანსპორტი.