Stadler-ი საქართველოში ახალი მატარებლების შემოყვანას და ქარხნის აშენებას გეგმავს

საქართველომ შესაძლოა, Stadler-ისგან ახალი სამგზავრო შემადგენლობები შეიძინოს.

საკითხზე პრემიერთან ორი დღის გამართული შეხვედრის შემდეგ Stadler-ის მფლობელმა პიტერ შპულერმა განაცხადა.

"რამდენიმე წლის წინ „საქართველოს რკინიგზასთვის“ ორსართულიანი მატარებლების შემოვყვანეთ. შემდეგ მოვაწერეთ ხელი კონტრაქტს და ურთიერთგაგების მემორანდუმს დამატებითი მატარებლების თაობაზე. ახლა საუბარი გვქონდა პრემიერთან სამომავლო ნაბიჯების შესახებ. მგონი კარგი შანსი გვაქვს მომავალ წელს საქართველოში მეტი მატარებლის, ერთსართულიანი შემადგენლობის შემოსაყვანად“, - განაცხადა პიტერ შპულერმა.

ის, რომ ახალი სამგზავრო შემადგენლობების შესყიდვით არის დაინტრესებული „საქართველოს რკინიგზის“ დირექტორიც ადასტურებს.

პრემიერთან შეხვედრისას შვეიცარიული კომპანია Stadler -ის საქართველოში ქარხნის აშენების შესაძლებლობასც განიხილეს. ქარხანაში სარკინიგზო შემადგენლობების წარმოება/ შეკეთება უნდა მოხდეს.

აღსანიშნავია, ამ ქარხნის აშენებაზე საუბარი რამდენიმე წელია მიმდინარეობს. მთავრობა ირწმუნება, რომ მაქსიმალურად დაუჭერს მხარს აღნიშნული ინვესტიციის განხორციელებას.

Stadler-ის 4 ორსართულიანი მატარებელი „საქართველოს რკინიგზამ“ 2016-17 წლებში შეიძინა. მატარებლები თბილისი-ბათუმის მიმართულებით სამგზავრო გადაყვანას ახორციელებს.