შინაო: ქსელურ მაღაზიებში პროდუქცია რომ შეიტანო დიდ თანხებთანაა დაკავშირებული
კომპანია, „შინაო“ კიდევ ერთი ქართული კომპანიაა, რომელიც ქსელურ მაღაზიებთან თანამშრომლობის პრობლემებზე საუბრობს.
როგორც გაყინული ბოსტნეულის საწარმოს კომერციული დირექტორი გიორგი ქვრივიშვილი გადაცემა „ბიზნესი რუსთავი 2“-თან აცხადებს, „შინაოს“ პროდუქცია ქსელურ მარკეტებში ვერ შედის, მიზეზი კი მათი მხრიდან დაწესებული მაღალი გადასახადია. მისი პროგნოზით, თუ არსებული პრობლემა არ მოგვარდება, სავარაუდოდ პროდუქცია ექსპორტზე ევროპის ბაზარზე გავა.
"შენი პროდუქცია რომ შეიტანო და განათავსო, საკმაოდ დიდ თანხებთანაა დაკავშირებული. წარმოუდგენელია, რომ დამწყებმა კომპანიამ ეს თანხა გადაიხადოს. გარდა ამ ღირებულებისა საჭიროა ძალიან ბევრი აქტივობა, როგორიცაა მარკეტინგული მომსახურება და სხვა.“ - აცხადებს გიორგი ქვრივიშვილი.
შეგახსენებთ, რომ მსგავს პრობლემებზე არაერთი მცირე და საშუალო მეწარმე საუბრობს.
რაც შეეხება „შინაოს“, ის ბაზარზე 2021 წელს გამოჩნდა და მომხმარებელს თერმულად დამუშავებულ, გაყინულ ხილს, ბოსტნეულსა და მწვანილს დაქუცმაცებული სახით სთავაზობს.
