შიდა ფრენებიც შეწყდა
საერთაშორისო ფრენებთან ერთად შიდა ფრენებიც შეწყდა. დახურულია ნატახტარის აეროდრომი.
როგორც “ბიზნესპარტნიორს” აეროდრომის მფლობელი კომპანიის “სერვისეარის” დამფუძნებელმა ამირან მანჯავიძემ განუცხადა, მთავრობასთან შეთანხმებით, კომპანიამ ფრენა 21 მარტიდან შეწყვიტა. მიმდინარე თვის ზარალი კი 180 ათას დოლარს გადააჭარბებს.
კომპანიის დამფუძნებელი ვერ აკონკრეტებს როდიდან განაახლებს აეროდრომი მუშაობას, თუმცა აღნიშნავს რომ საჭიროების შემთხვევაში “სერვისეარი” მთავრობას უსასყიდლოდ მოემსახურება.
“უკვე შევთავაზეთ მთავრობას და მზადყოფნა გამოვთქვით, რომ მნიშვნლოვანი შემთხვევებისთვის, ექიმების გადასაადგილებლად ან სხვა საჭიროებისთვის უფასოდ მოვემსახურებით” – აღნიშნავს მანჯავიძე “ბიზნესპარტნიორთან”.
მისივე თქმით, კომპანია თანამშრომლებს მარტის ხელფასს სრულად გადაუხდის. “რაც შეეხება აპრილს, ვცდილობთ გამივნახოთ რესურსი რომ თანამშრომლებისთვის ხელფასის 70%-ის ანაზღაურება შევძლოთ” – აცხადებს ამირან მანჯავიძე.
