სანტე: რუსეთის ბაზარზე რძის პროდუქტების ექსპორტს არ ვგეგმავთ
რძის პროდუქტების მწარმოებელი კომპანია "სანტე ჯი-ემ-თი პროდუქტები" რუსეთის ბაზარზე რძის პროდუქტების ექსპორტს არ გეგმავს, - ასე ეხმიანება კომპანია ქართული რძის პროდუქტების მწარმოებლებისთვის ექსპორტის რუსეთის ბაზარზე შეტანის შესაძლებლობას.
“სანტე ჯი-ემ-თი პროდუქტები” არის უმსხვილესი რძის გადამამუშავებელი ქართული კომპანია, რომელიც 1997 წლიდან ოპერირებს ქართულ ბაზარზე. კომპანიის პრიორიტეტი და უპირველესი საზრუნავი ქართველი მომხმარებელია. ამ ეტაპზე კომპანია აქტიურად არის ჩართული უკრაინისთვის ჰუმანიტარული დახმარების გაწევის პროგრამებში.
პარალელურად კომპანია ადგილობრივ ბაზარზე მრავალ ინოვაციას გეგმავს და აქტიურად ემზადება იმპორტირებული პროდუქციის დეფიციტის შემთხვევაში ჩაანაცვლოს საქართველოში წარმოებული პროდუქტით", - ნათქვამია "სანტეს" განცხადებაში.
სურსათის ეროვნულმა სააგენტომ დღეს გაავრცელა ინფორმაცია, რომ რუსეთის ფედერაციასთან ქართული ცხოველური წარმოშობის პროდუქციის ექსპორტის შესახებ შეთანხმება მიღწეულია.
