საკონტეინერო გადაზიდვების ფასები პანდემიამდელ ნიშნულს უბრუნდება

ჩინეთიდან ფოთის პორტის მიმართულებით საკონტეინერო გადაზიდვების ფასები ბოლო პერიოდში 5-ჯერ შემცირდა და ფაქტობრივად, პანდემიამდელ ნიშნულს დაუბრუნდა.

როგორც „კაიროს ლოგისტიკის დირექტორი „ბიზნესპარტნიორთან“ საუბრისას აცხადებს, თუ პანდემიის დროს, კონტეინერის გადაზიდვის ღირებულება ჩინეთიდან საქართველოს მიმართულებით $15 000 აღწევდა , დღეს ეს ფასი $2500-3000-ის ფარგლებშია.

„ეს განპირობებული იმითაც არის, რომ შავი ზღვის აკვატორიაში გასაგები მიზეზების გამო, რუსული პორტები სანქციების ქვეშ არიან. უკრაინულ პორტებში გემები ფიზიკურად ვერ შედიან და ზოგადად, საზღვაო მიმართულებით ტვირთების კლებაც არის, ასეთი ტენდენციააა ბოლო პერიოდში. არამხოლოდ საქართველოში, მთელ მსოფლიოში ასეთი ვითარებაა, ამერიკასა და ევროპაშიც შემცირებულია ჩინეთიდან ნაკადი.“ -აღნიშნა მიხეილ ნამადოვმა.

ბოლო მონაცემებით, კონტეინერის გამოყენების საფასურმა $2 238 შეადგინა. რაც 2020 წლის ოქტომბრის შემდეგ ყველაზე დაბალი მაჩვენებელია.