საკონდიტრო “გურმე“: ტრანსპორტის შეზღუდვამ კომპანიის თვის ხარჯი 2400 ლარით გაზარდა

პანდემიის შედეგად მიყენებულ ნეგატიურ  შედეგებზე „ბიზნესპარტნიორთან“ საკონდიტრო კომპანია „გურმეს“ ხელმძღვანელი ნინო მამულაშვილი საუბრობს.

„კომპანიას ძალიან უჭირს, გაზრდილია ხარჯები და 70%–ით შემცირებულია შემოსავლები. ამის მიუხედავად თანამშრომლები არ შეგვიმცირებია. მეორე დარტყმა რაც მივიღეთ ისაა, რომ თვის განმავლობაში ტრანსპორტირების  ხარჯი 2400 ლარით გაგვიძვირდა. კომპანია შექნნის დღიდან აფასებს თანამშრომლების დამსახურებას ჩვენს საქმეში და წარმატებაში, ამიტომ ასე მარტივად ვერავის გავუშვებთ. თუ გადარჩება კომპანია, გადარჩება მხოლოდ თანამშრომლებთან ერთად, თუ არა და მთლიანად დაიკეტება. მათ ხარჯზე ეკონომიას ვერ გვაკეთებთ,“ – აღნიშნავს ნინო მამულაშვილი.

მისი განცხადებით, ამ დროისთვის „გურმეში“ 40 ადამიანია დასაქმებული. რეგულაციებიდან გამომდინარე, „გურმეს“ კაფე არ მუშაობს. კომპანიას ჰყავს დისტრიბუტორები, რომლების  მიტანის სერვისს უზრუნველყოფენ.

„ძალიან მალე, WOLT-თან გავაფორმებთ ხელშეკრულებას. ე.წ დელივერ პლატფორმაზე „გურმე“ ხელმისაწვდომი  ახალი წლისთვის გახდება. ასევე 2 თვეში ველოდებით ISO-ს სერტიფიკატის მიღებას“-აცხადებს ნინო მამულაშვილი.