სახელმწიფო "ბორჯომის" ქარხნის თანამფლობელი გახდა

სახელმწიფოს "ბორჯომის" ქარხნის აქციები უსასყიდლოდ გადაეცა.

ამის შესახებ პრემიერ-მინისტრმა, ირაკლი ღარიბაშვილმა განაცხადა. 

"რამდენიმე კვირის წინ შეგპირდით, რომ სასიამოვნო ინფორმაციას გაგაცნობდით. წარმატებით დავასრულეთ მოლაპარაკებები ბორჯომის აქციონერებთან და სახელმწიფო გახდება აქციონერი იმ ჯგუფის, რომელიც ბორჯომის ქარხნის მეპატრონეა. ეს არის უსასყიდლო გარიგება. უსასყიდლოდ გადმოგვეცემა აქციები და სახელმწიფო გახდება ბორჯომის ქარხნის თანამფლობელი. ყველა ის პრობლემა მოიხსნება, რომელიც ქარხანას ფუნქციონირებისას ჰქონდა",- განაცხადა ღარიბაშვილმა.