საბავშვო ტანსაცმლის ქართული ბრენდი "ნიკოლი" ფეხსაცმლის წარმოებას გეგმავს

საბავშვო ტანსაცმლის ქართული ბრენდი „ნიკოლი“ ფეხსაცმლის წარმოებას გეგმავს. კომპანიის დამფუძნებელი ნიკა ნიკოლაიშვილი „ბიზნესპარტნიორთან“ აცხადებს, რომ ასევე განახლდება საბავშო თეთრეულის წარმოება, რომელიც გარკვეული პრობლემების გამო კომპანიამ შეაჩერა.

კომპანიას აღნიშნული პროექტების გასავითარებლად ინვესტიცია სჭირდება, ამიტომ „ნიკოლი“ ეძებს დაინტერესებულ ინვესტორს, რომელიც კომპანიის განვითარებაში ფულს ჩადებს.

ნიკა ნიკოლაიშვილი გაყიდვებზეც საუბრობს და აცხადებს, რომ 2019 წელთან შედარებით გაორმაგებულია. „ამისთვის გვჭირდება ინვესტორი, რომ კიდევ უფრო განვითარდეთ და ამხელა ბაზარი არ დავკარგოთ,“ - აცხადებს ნიკოლაიშვილი.

ამჟამად „ნიკოლი“ გაყიდვებს ონლაინ ახორციელებს, ასევე აქვს 3 მაღაზია, მათ შორის, 2 - თბილისში, 1 - ბათუმში.

საბავშვო ტანსაცმლის ბრენდი „ნიკოლი“ 2017 წელს დაფუძნდა. კომპანიამ 2020 წელს  პროდუქცია ექსპორტზე საუდის არაბეთში და იტალიაში გაიტანა.