ბიზნესი
28/01/2022
"რონის პიცამ" ქუთაისსა და ბათუმში რესტორნების გახსნა გადადო
„რონის პიცის" ხელმძღვანელი ერიკ ბინდერი „ბიზნესპარტნიორთან“ აცხადებს, რომ პანდემიამ განვითარების და გაფართოების გეგმები შეაფერხა.
მისი ინფორმაციით, იგეგმებოდა ფილიალების გახსნა რეგიონებში, მათ შორის, ქუთაისსა და ბათუმში. ბინდერი აცხადებს, რომ პანდემიიდან გამომდინარე, მიმდინარე წელს კომპანია ამ პროექტს ვერ განახორციელებს.
მისივე ინფორმაციით, პანდემიის მიუხედავად გაყიდვები მზარდია. თუმცა, შექმნილ სიტუაციაში ხალხი უპირატესობას მიტანის სერვისს ანიჭებს, ვიდრე რესტორანში მისვლას.
როგორც „რონის პიცის“ ხელმძღვანელი განმარტავს, რომ არა პანდემია და ეროვნული ვალუტის გაუფასურება, კომპანია უფრო მეტად გაიზრდებოდა.
შეგახსენებთ, რომ დღეს „რონის პიცას“ თბილისში 4 რესტორანი აქვს.
