"რიყის დოქები" ₾10.02 მლნ-ად გაიყიდა

აუქციონზე გამოტანილი "რიყის დოქები" გაიყიდა.

როგორც ჩანს უკვე არაერთგზის აუქციონზე გამოტანილი ობიექტი ფასის შემცირებისა და ამავდროულად ღვინის, ციფრული ხელოვნების და ტექნოლოგიების მუზეუმის მოწყობის შესაძლებლობით გახდა მიმზიდველი.

შეგახსენებთ, რომ მთავრობამ აუქციონის პირობები ცოტა ხნის წინ შეცვალა და ფასი 10 მლნ ლარით განსაზღვრა. ბიდი 20 000 ლარი იყო, იქედან გამომდინარე რომ ობიექტით მხოლოდ ერთი კომპანია დაინტერესდა, მისი საბოლოო ფასი 10.02 მლნ-ით განისაზღვრა.

რიყის დოქები 14591.00 კვ.მ. არასასოფლო-სამეურნეო მიწის ნაკვეთსა და მასზე განთავსებულ შენობა-ნაგებობას მოიცავს. ინვესტორის ვალდებულებაა 20 მლნ ლარის ინვესტიციის განხორციელება და ღვინის, ციფრული ხელოვნების, ტექნოლოგიების მუზეუმების და საგამოფენო სივრცეების შექმნაა. ინვესტორს ობიექტისთვის პროფილის 10 წლის განმავლობაში შენარჩუნებს მოუწევს.

აღსანიშნავია, რომ პირველად მთავრობამ ობიექტი აუქციონზე 2020 წლის 5 თებერვალს გამოიტანა და მისი საწყისი გასაყიდი ფასი 95 მლნ ლარით განისაზღვრა. მორიგ აუქციონებზე კი ფასი შემცირდა, დასაწყისისთვის 23,75 მლნ-ით 71,25 მლნ ლარამდე. მოგვიანებით ფასი კიდევ შემცირდა თუმცა მრავალგზის აუქციონზე გამოტანილი ობიექტით არავინ ინტერესდებოდა.