რენტალსი: გარკვეული დისკომფორტის გამო რუსებზე ბინებს არ ვაქირავებთ
უძრავი ქონების სააგენტო „რენტალსის“ ხელმძღვანელი ზურაბ ერისთავი „ბიზნესპარტნიორთან“ აცხადებს, რომ ბოლო პერიოდში საკმაოდ გააქტიურებულია მოთხოვნა ბინების გაქირავებაზე.
რაც შეეხება იმას, გამქირავებელთა რა ნაწილს აქვს შეზღუდვა რუსებზე ან უკრაინელებზე, ერისთავი განმარტავს, რომ კომპანიის შიდა გადაწყვეტილებაა, რომ რუსებზე ბინები არ გააქირაონ.
რაც შეეხება უკაინელებს,კომპანია "რენტალსი" პრემიუმ სეგმენტზე მუშაობს, უკრაინიდან ჩამოსული ლტოლვილების მოთხოვნა კი უფრო ეკონომ კლასზე ვრცელდება. ამ კატეგორიის უძრავი ქონება კი კომპანიის ბაზაში არ არის.
„რუსების შემთხვევაში ბევრი ვიფიქრეთ და საბოლოოდ მივიღეთ გადაწყევტილება, რომ არ გვინდა ამ ხალხზე მუშაობა, რადგან ძალიან ბევრი კითხვის ნიშანი შეიძლება გაჩნდეს.აქამდე ვერ გავიგეთ რამდენი ხნით შეიძლება დარჩნენ, რას აკეთებენ. ასეთ ფორსმაჟორულ გარემოებებში შემოსული კლიენტები გარკვეულ დისკომფორტს გვიქმნიან. ჩვენთვის ძალიან მნიშვნელოვანია რეპუტაცია და ჩვენი სიტყვის ფასი, რასაც დამქირავებელს ვეუბნებით,“-აცხადებს ერისთავი.
