რას ითხოვს საკლუბო ბიზნესი მთავრობისგან - ოთხპუნქტიანი გეგმა
საკლუბო ბიზნესი მთავრობისგან დახმარებას ითხოვს. სექტორმა ოთხპუნქტიანი გეგმა შეიმუშავა. კლუბების მოთხოვნებს შორისაა: საქართველოს მასშტაბით არსებული 55-მდე ბიზნესს ერთეულის მეიჯარეებთან საიჯარო პირობებით გათვალისწინებული ვალდებულებების შემსუბუქების მხარდაჭერა, რაც მოიცავს იჯარის სრულად ან ნაწილობრივ სუბსიდირებას.
ასევე, იურიდიული პირებისთვის კომუნალური გადასახადების სუბსიდირების პროგრამის ამოქმედება. ინდუსტრია ითხოვს ელექტრონული მუსიკისა და საკლუბო სექტორში დასაქმებული პირების, მათ შორის 500-ზე მეტი შემოქმედი ადამიანის და ტექნიკური პერსონალის ფინანსური დახმარების პაკეტით სარგებლობას, ასევე ეპიდემიოლოგიური რისკისა და კორონავირუსის გავრცელების პრევენციის მიზნით კულტურისა და რეკრეაციული სივრცეების უსაფრთხო ამუშავებისთვის მათი 10000-ზე მეტი სწრაფი ტესტებით უზრუნველყოფას.
