პოლონეთი საქართველოს მწვანე ტრანსფორმაციაში ეხმარება

მწვანე ტრასფორმაცია და საზოგადოებრივი შენობების გარდაქმნა ენერგოეფექტურად - ამ საკითხებზე ჰოლიდეი ინნში კონფერენცია გაიმართა. "საქართველოს რეგიონებისა და თემების გადასვლა მდგრადი ენერგეტიკული მომავლისკენ" – „მზის ფოტოელექტრული (PV) სისტემები საქართველოს ქალაქებისთვის“ - “განახლებადი ენერგიის ინსტიტუტი” (IEO) ახორციელებს UNIDO-ს პროექტს, რომელიც საქართველოს მთავრობასთან შეთანხმებით, პოლონეთის რესპუბლიკის საგარეო საქმეთა სამინისტროს მხარდაჭერით მიმდინარეობს.

პროექტის მიზანია საქართველოს ხუთ ქალაქში მზის ენერგიის გამოყენების ხელშეწყობა და მზის ფოტოელექტრული (PV) სისტემების დანერგვა.

პროექტის საწყისი ფაზა დასრულდა 2019 წელს, რაც მოიცავდა ექსპერტთა სასწავლო ტურს საქართველოში და ადგილზე კონტაქტებს სამთავრობოდა ადგილობრივ დაინტერესებულ მხარეებთან, ასევე ენერგიის განახლებადი წყაროების პოტენციალისა და ტექნოლოგიების მიწოდების ჯაჭვის წინასწარ ანალიზს. დასკვნის სახით, მზის ფოტოელექტრული ტექნოლოგია გამოვლინდა, როგორც ყველაზე შესაფერისი, და ზრდის მაღალი პოტენციალის ტექნოლოგია.

პროექტი განხორციელდება საქართველოს ხუთ ქალაქში - ჩოხატაურში, გორში, ქუთაისში, ფოთსა და ზუგდიდში, რაც ხელს შეუწყობს საქართველოს თემების ენერგეტიკული გარდაქმნის დაჩქარებას.

პროექტი 2023 წლის I კვარტალის ბოლომდე განხორციელდება. საპილოტე პროექტის ფარგლებში თანამშრომლობისთვის მოწვეული არიან ბანკები, საერთაშორისო საფინანსო ინსტიტუტები, საქართველოს ქალაქებთან მუშაობით დაინტერესებული ორგანიზაციები და ფოტოელექტრული სისტემების გამოყენების თანამედროვე ტექნოლოგიების მიმწოდებელი კომპანიები, საქართველოს თემებში მზის ენერგიის პოტენციალის დემონსტრირების მიზნით.