პანდემიამ "ლაზეთს" საინვესტიციო გეგმები დაუპაუზა

პანდემიის და შემცირებული რეალიზაციის მიუხედავად, ტანსაცმლის მწარმოებელი ქართული კომპანია „ლაზეთი" მუშაობას აგრძელებს.

"ლაზეთის" ხელმძღვანელი ზურაბ ჩარგეიშვილი „ბიზნესპარტნიორთან“ განმარტავს, რომ კომპანია მუშაობს, კერავს ტანსაცმელს, თუმცა გაყიდვები იმ რაოდენობის ვერ არის, რაც 4-5 წლის წინ იყო.

„ლოქდაუნებმა ძალიან დაგვაზარალა. შემცირებული დროით ვმუშაობდით, შემცირდა აქტივობა, დაგვიპაუზდა გეგმებიც, გვინდოდა საბავშვო ხაზის ამოქმედება. ველოდებით, რომ მორჩება პანდემია და ძველ ნიშნულს და გეგმებს დავუბრუნდებით,“ - აცხადებს ჩარგეიშვილი.

შეგახსენებთ, კომპანია ბაზარზე 2016 წელს გამოჩნდა. თბილისში, ქინძმარაულის ქუჩაზე მდებარე საფეიქრო საწარმო ძირითადად ქალის სამოსს კერავს და საწყის ეტაპზე ადგილობრივ ბაზარზე, კერძოდ, კი სავაჭრო ცენტრ „თბილისის მოლში" მდებარე მაღაზიაში ყიდის.