ოქროზე ფასები ეცემა

ოქროს ფასები შემცირების ტრენდით ხასიათდება.

საერთაშორისო ბირჟებზე ერთი უნცია ძვირფასი ლითონის ფასი 1700 დოლარამდე დაეცა, რაც ბოლო პერიოდის მინიმუმია. რუსეთ-უკრაინის ომის დაწყებიდან დღემდე ფასები ოქროზე დაახლოებით 15%-ით არის შემცირებული, ბოლო ერთ თვეში კი 5 პროცენტზე მეტად.

საერთაშორისო ბაზრებზე არსებული მდგომარეობა ქართულ ბაზარზეც ახდენს გავლენას, ამას კი როგორც ოქროს ბირჟაზე ამბობენ, ლარის დოლართან მიმართებაში არსებული კურსიც ემატება. ოქროს გაიაფების მიუხედავად ის მაინც რჩება ერთ-ერთ მთავარ საინვესტიციო აქტივად, მიმდინარე წლის ზაფხულის გაყიდვების მაჩვენებელი საქართველოში პანდემიმადელ მონაცემებს გაუთანაბრდა, ყველაზე მოთხოვნადი კი იტალიური და ქართული ნაკეთობებია.

ამ დროისთვის, ოქროს ნაკეთობების ფასი 1 გრამზე 130-140 ლარიდან იწყება, ეგრეთ წოდებული ჯართის ფასი კი 90 ლარიდან.