ნიკა აბუთიძე: სასამართლოში ბიზნესდავების ხანგრძლივი განხილვები ბიზნესზე მძიმედ აისახება
დამსაქმებელთა ასოციაციის იურისტის თქმით, ბიზნესდავების გადაწყვეტის კუთხით სიტუაცია საქართველოში არ უმჯობესდება. ნიკა აბუთიძის თქმით, სასამართლოში წლების განმავლობაში გრძელდება დავების განხილვას, რაც ბიზნესზე მძიმედ აისახება.
„ბევრ კომპანიას შეჩერებული აქვს საქმიანობა. რადგან სასამართლოს გადაწყვეტილების მიღებამდე ყადაღა და უზრუნველყოფის სხვა საშუალებებია გამოყენებული. რის გამოც კომპანიებს საკუთარი ქონებით სარგებლობა შეზღუდული აქვთ,“ - აღნიშნავს იურისტი.
მისივე თქმით, ამ კუთხით, თბილისზე უფრო რთულად არის საქმე რეგიონებში.
„რეგიონებში უფრო რთულად არის საქმე, თუმცა თბილისის სასამართლოებიც ვერ აუდის იმ საქმეთა რაოდენობას, რომელიც მას ეწერება. საქმე იმაშია, რომ ადამიანური რესურსი სასამართლოში არის ძალიან ცოტა. პრობლემა კვალიფიკაციის ნაკლებობაცაა. ეს ბუნებრივია, როცა ერთი მოსამართლე განიხილავს სხვადასხვა სახის საქმეს, საოჯახოს, სამოქალაქოს და ბიზნესდავებს, რთულია ყველა მიმართულებით კვალიფიციური იყოს,“ - განმართავს ნიკა აბუთიძე.
