"ნიამორი" 2022 წლისთვის ბრენდული მაღაზიის გახსნას გეგმავს
კომპანია „ნიამორი“ 2022 წლისთვის ბრენდული მაღაზიის გახსნას გეგმავს.
როგორც კომპანიის დირექტორი გიორგი ბოჭორიშვილი „ბიზნესპარტნიორთან“ აცხადებს, ადგილზე ჩამოსასხმელი ღვინო.
„გვინდა ჩამოსახმელი ღვინის პოპულარიზაცია გავაკეთოთ. ამ ეტაპზე ვსწავლობთ ბაზარს, თუ რამდენად მოთხოვნადი იქნება ეს მიმართულება,“ - აცხადებს ბოჭორიშვილი.
მისივე განცხადებით, დიდი ალბათობით მაღაზია საბურთალოს ტერიტორიაზე გაიხსნება.
კომპანია „ნიამორი“ ბაზარზე 2017 წლიდან ფუნქციონირებს და ალკოჰოლური სასმელებს, ბოთლზე გრავირებას უკეთებს და რეალიზაციას ახდებს.
ამ დროისთვის კომპანიას საკუთარი ვენახები არ აქვს, პროდუქციას ჩაბარებული ყურძნით აწარმოებს და ონლაინ ყიდის. საუბარია ჯამში რამდენიმე ათეული სახეობის ალკოჰოლურ სასმელზე, მათ შორის, ღვინოზე, ჭაჭაზე და ბრენდზე.
კომპანია „ნიამორი“ 2022 წლის ზაფხულში საგურამოში მრავალფუნქციურ კომპლექსს გახსნის, სადაც გაერთიანებული იქნება როგორც ღვინის გადამამუშავებელი საწარმო, მარანი, ისე სხვადასხვა დასასვენებელი (მათ შორის რესტორანი, სპა ცენტრი) და საქმიანი სივრცე.
