"ნიამორი" 2022 წელს საგურამოში მრავალფუნქციურ კომპლექსს გახსნის

კომპანია „ნიამორი“ 2022 წლის ზაფხულში საგურამოში მრავალფუნქციურ კომპლექსს გახსნის, სადაც გაერთიანებული იქნება როგორც ღვინის გადამამუშავებელი საწარმო და მარანი, ისე სხვადასხვა დასასვენებელი (მათ შორის რესტორანი, სპა ცენტრი) და საქმიანი სივრცეები.

როგორც „ბიზნესპარტნიორს“ კომპანიის დირექტორმა გიორგი ბოჭორიშვილმა განუცხადა, მშენებლობის ნებართვა უკვე მიღებულია, საკუთრებაშია 4 000 კვადრატული მეტრის ფართის მიწის ნაკვეთიც, კომპლექსის მშენებლობა დაახლოებით 1 000 კვ. მ ფართობზე იგეგმება.

მისივე ინფორმაცით, ამ დროისთვის მიმდინარეობს ფინანსების მოძიების პროცესი. ობიექტის მშენებლობა წლის ბოლომდე დაიწყება. პროექტის საინვესტიციო ღირებულება 800 000 ლარამდეა.  

ამ დროისთვის კომპანიას საკუთარი ვენახები არ აქვს, პროდუქციას ჩაბარებული ყურძნით აწარმოებს და ონლაინ ყიდის. პროდუქცია ექსპორტზე გააქვს პოლონეთში, ჩინეთსა და ყაზახეთში. საუბარია ჯამში რამდენიმე ათეული სახეობის ალკოჰოლურ სასმელზე, მათ შორის, ღვინოზე, ჭაჭაზე და ბრენდზე. „სულ გვაქვს 44 პროდუქტი, ესენი არის სასაჩუქრე ბოქსები, ფასი კი 60 ლარიდან იწყება,“-აცხადებს ბოჭორიშვილი.

„ნიამორი“ წელიწადში დაახლოებით 25 000-დან 35 000 ბოთლამდე ღვინოს აწარმოებს. ახალი საწარმოს ამოქმედების შემდეგ იგეგმება წარმადობის გასამმაგება. სამომავლოდ, დაგეგმილია საქართველოს სხვადასხვა კუთხეში საკუთარი ვენახების გაშენებაც.

ბოჭორიშვილის განცხადებით, კომპანიაში ამ ეტაპისთვის 15-მდე ადამიანია დასაქმებული.

კომპანია „ნიამორი“  ბაზარზე 2017 წლიდან ფუნქციონირებს და ალკოჰოლური სასმელებს ჩამოსხმული სახით, გრავირებას უკეთებს და რეალიზაციას ახდებს.