ნელ-ნელა ძველ ციფრებს ვუბრუნდებით - Tsangala's Wine Shop & Bar

Tsangala's Wine Shop & Bar-ი პანდემიის მიუხედავად აქტიურად მუშაობს.

როგორც ბარის მფლობელმა ოთო ტაბატაძემ „ბიზნესპარტნიორთან“ განაცხადა, დღეს კომპანიის შემოსავლები 2019 წლის ანალოგიურ პერიოდთან შედარებით გაზრდილია.  

ტაბატაძე აცხადებს, რომ პანდემიამდეც და ახლაც ბარის სტუმრების 90% უცხოელი ტურისტებია.

„იყო პერიოდი, რომ ქვეყანაში ტურისტი არ იყო, მაშინ ბარიც დახურული იყო და საკმაოდ არასახარბიელო სიტუაციაში ვიყავით. ახლა ყველაფერი შეიცვალა, გახსნილია საზღვრები, არის მიმისვლა და საკმაოდ ბევრი ტურისტი. ნელ-ნელა ძველ ციფრებს ვუბრუნდებით“-აცხადებს ტაბატაძე.

ტაბატაძე და აღნიშნავს, რომ  Tsangala's Wine Shop & Bar-ში  300-ზე მეტი დასახელების ღვინოა წარმოდგენილი. კომპანია 70 მარანთან თანამშრომლობს.