ნავთობიმპორტიორები დიზელის საწვავის იმპორტის შემცირებას კონტრაბანდას უკავშირებენ

ნავთობიმპორტიორთა კავშირი საქართველოში დიზელის საწვავის იმპორტის შემცირებას ქვეყანაში აღურიცხავი დიზელის შემოდინებით ხსნის.

როგორც კავშირში განმარტავენ, აღურიცხავი დიზელის საწვავის შემოტანა ხდება აზერბაიჯანიდან სხვადასხვა სატვირთო სატრანსპორტო საშუალებების მიერ საწვავის ავზებით, რასაც განაპირობებს აზერბაიჯანის რესპუბლიკაში დიზელის საწვავზე არსებული დაბალი ფასები (საშუალოდ 1,40 ლარი).

იქვე განმარტავენ, რომ საწვავის დიზელი შემცირებულია იმ პირობებში, როდესაც ფიქსირდება გასულ წელთან შედარებით ეკონომიკის მნიშვნელოვანი ზრდა და ყველა ის ინდიკატორი, რომელიც განსაზღვრავს დიზელის საწვავის მოხმარებას, გაუმჯობესებულია და შესაბამისად, უნდა ხდებოდეს დიზელის საწვავის როგორც მოხმარების, ასევე იმპორტის ზრდა.

საქართველოში 2021 წლის 8 თვეში ქვეყანაში იმპორტირებულია 362,4 ათასი ტონა დიზელის საწვავი, რაც გასული წლის ანალოგიური პერიოდის მაჩვენებელთან 15,9 ათასი ტონით (4,2%-ით) ნაკლებია.