ნათია თურნავა: სავაჭრო ცენტრებმა საკმაოდ დიდი პასუხისმგებლობა გამოიჩინეს
ეკონომიკის მინისტრი სავაჭრო ცენტრების წარმომადგენლებს მათ მიერ გამოჩენილი პასუხისმგებლობის გამო, მადლობას უხდის.
„გუშინ ჩვენ გარკვეული შეზღუდვებით მუშაობის უფლება მივეცით მოლებს, საკმაოდ დიდი პასუხისმგებლობა გამოიჩინეს სავაჭრო ცენტრებმა. მასიური დარღვევების გარეშე ჩაიარა ამ დღემ. ჩვენ ვაგრძელებთ კონტროლს და წინა საახალწლო დღეებშიც, ყველას მომხმარებლსაც და მაღაზიის მფლობელსაც, მოვუწოდებ კვალვ დაიცვან აუცილებელი მოთხოვნები. მთლიანობაში, ვითარება ნორმალურია და ეს გვაძლევს იმედს, რომ დიდი პასუხისმგებლობით გავატარებთ წინა სააახალწლო პერიოდს,“ - აღნიშნა ნათია თურნავამ.
შეგახსენებთ, რომ დიდ ქალაქებში, თბილისში, რუსთავში, ქუთაისში, ბათუმში, გორში, ზუგდიდში, ფოთსა და თელავში სავაჭრო ცენტრები/მოლები გარკვეული შეზღუდვებით 24 დეკემბრიდან გაიხსნა და ისინი მუშაობას 2 იანვრის ჩათვლით გააგრძელებენ.
