Mypark-ი ავტომობილის მფლობელებს ინოვაციური პარკირების სისტემას სთავაზობს  

Mypark-ი ქართული კომპანიაა, რომელიც ავტომობილის მფლობელებს პარკირების ინოვაციურ სისტემას სთავაზობს.

როგორც კომპანიის დამფუძნებლები ზურაბ ქობელაშვილი და გიორგი დვანაძე „ბიზნესპარტნიორთან“ ინტერვიუში ამბობენ, ხშირია შემთხვევები, როდესაც ადამიანები ერთმანეთის პარკინგით სარგებლობენ, ამიტომ ამ პრობლემის გადასაჭრელად ქართველ მომხმარებელს დისტანციური მართვის პარკინგი შესთავაზეს.

„Mypark-ის ინდივიდუალური ბარიერი პულტით იმართება, რომელიც დაბრკოლების გარეშე სიგნალს 25-60 მეტრადე გადაცემს. სამართავად მარტივია და რაც მთავარია, მომხმარებლს თავის განკუთვნილ საპარკინგე ადგილს თავისუფალს უნარჩუნებს. მოწყობილობას მოყვება 2 პულტი, ასევე შესაძლებელია პულტების გამრავლება, რომ ოჯახის რამდენიმე წევრმა ან კომპანიის რამდენიმე პირმა ისარგებლოს, თუ რა თქმა უნდა, თვითონ არ შეუშლიან ხელს ერთმანეთს. ასევე, გვაქვს დაზიანებული მოწყობილობის აღდგენის მომსახურება, მაგრამ ეს დამოკიდებულია მყიდველთან დადებული ხელშეკრულების პირობებზე ან კონკრეტული მომხმარებლის მოთხოვნაზე,“– აღნიშნავს, გიორგი დვანაძე. 

Mypark-ის მოწყობილობის მართვა შესაძლებელია ავტომობილიდან. მისი ელემენტი 3-4 თვე ფუნქციონირებს (სრული დამუხტვით - 3 სთ), არის წყალგამძლე, აქვს განგაშის ფუნქცია, ავტომობილის გადავლის შემთხვევაში 3.5 ტონამდე ზეწოლას უძლებს და მონტაჟდება მარტივად.

„ჩვენი მომხმარებელები, როგორც ფიზიკური პირები, ისე სამშენებლო და სხვადასხვა მსხვილი კომპანიები არიან. პროდუქტის შესახებ დეტალური ინფორმაციის მიღება მომხმარებელს Facebook გვერდის საშუალებით შეუძლია. პროდუქტი არის ჩინური წარმოების, ვთანამშრომლობთ გამოცდილ მწარმოებელთან, რომლის ხარისხი ყოველთვის აკმაყოფილებს ჩვენს მოთხოვნებს. პროდუქტის ღირებულება მონტაჟით ამჟამად 400 ლარია. აღსანიშნავია, რომ ჩვენს მიერ ჩატარებული ბაზრის კვლევის შეეგად დავადგინეთ, რომ მსგავსი ტიპის პროდუქცია ბაზარზე არ არსებობდა,“– ამბობს ზურაბ ქობელაშვილი.

Mypark-ის ინდივიდუალური ბარიერები 2019 წლის შემოდგომაზე გამოჩნდა საქართველოს ბაზარზე, კომაპნია გეგმავს უფრო მრავალფეროვანი გახადოს პროდუქციის ჩამონათვალი და მომხმარებელს მეტი არჩევანის საშუალება მისცეს.