მუსიკის ფესტივალი "როკვა" წელს პანდემიისგან მიყენებული ზარალის კომპენსირებას შეეცდება

მუსიკის ფესტივალი „როკვა“  წელს 3 დღიანი იქნება და კორონავირუსის პანდემიისგან მიყენებული ზარალის კომპენსირებაზე იქნება მიმართული.

როგორც „ბიზნესპარტნიორს“ ფესტივალის ორგანიზატორმა ელენე გრძელიძემ განუცხადა, ფესტივალი რაჭაში, შოვში იმართება და ის  როგორც ადგილობრივი, ისე უცხოელი სტუმრისთვის ერთნაირად მიმზიდველია.

ფესტივალის ორგანიზატორი აღნიშნავს, რომ თუ 2020 წელს რაჭამ აღნიშნული ფესტივალის ფარგლებში 5 000-მდე სტუმარს უმასპინძლა, წელს ეს რაოდენობა  10 000-მდე გაიზრდება.

კითხვაზე, რამდენად მომგებიანია „როკვა ფესტივალი“, გრძელიძე აღნიშნავს, რომ ეს არის საქმე, საიდანაც მყისიერი მოგება არ დგება.  

„თუმცა, ამ ყველაფერს სწონის ის დიდი საქმე, რომელიც ადგილობრივი ეკონომიკისთვის მნიშვნელოვანია. ადგილზე ძალიან განვითარდა HoReCa სექტორი, ადამიანებმა დაიწყეს საკუთარი სახლების საოჯახო სასტუმროებად მოწყობა და ასე შემდეგ. გაიხსნა კაფეები. აღარაფერს ვამბობ  მასშტაბურ ინფრასტრუქტურულ პროექტზე, რომლის ფარგლებშიც თბილისიდან რაჭაში ჩასვლა უკვე 3.5 საათშია შესაძლებელი,“-აცხადებს გრძელიძე.

მისივე ინფორმაციით, წელს სამივე დღის ბილეთის ფასი 130 ლარიდან 190 ლარამდეა. 1 დღის ბილეთის ფასი და 60 ლარიდან 100 ლარამდე მერყეობს. ბილეთები ამჟამად ონლაინ იყიდება, თუმცა,  უახლოეს მომავალში ფიზიკური გაყიდვების წერტილიც ამოქმედდება.

მუსიკის ფესტივალი „როკვა“   რაჭაში 2019 წელს ყოველწლიურად იმართება.