ბიზნესი
08/02/2022
მიკროსაფინანსო სექტორმა 2021 წელი რეკორდული, 98 მლნ-იანი მოგებით დაასრულა
მიკროსაფინანსო სექტორმა 2021 წელი რეკორდულად მაღალი წმინდა მოგებით დახურა.
ეროვნული ბანკის მიერ გამოქვეყნებული ანგარიშის მიხედვით, მისოების წმინდა მოგებამ 97,8 მლნ ლარი შეადგინა, რაც გასულ წელთან შედარებით გაორმაგებული მაჩვენებელია. 2020 წელს სექტორის წმინდა მოგება 44.8 მლნ ლარი იყო.
აღსანიშნავია, რომ 2021 წელს ბაზარზე 38 მიკროსაფინანსო ორგანიზაცია ოპერირებდა, რომლებიც ჯამში 4 000-ზე მეტ ადამიანს ასაქმებდნენ. კომპანიების სერვის ცენტრებისა და ფილიალების რაოდენობა კი 385 ერთეულს შეადგენდა.
