ბიზნესი
10/08/2021
მალთაყვის საკურორტო-სარეკრეაციო ზონაში 55 000 მ² მიწა იყიდება
ფოთში, მალთაყვის საკურორტო-სარეკრეაციო ზონაში არასასოფლო-სამეურნეო დანიშნულების მიწის ნაკვეთი იყიდება.
ქონება ელექტრონულ აუქციონზე სახელმწიფო ქონების ეროვნულმა სააგენტომ გამოიტანა, მიწის ფართი 55 000 კვ. მეტრია, საწყისი ფასი 1.237 მლნ ლარით, აუქციონში მონაწილეობის ბიჯი კი 5 000 ლარით განისაზღვრება.
ტერიტორიაზე სასტუმრო კომპლექსის მოწყობაა შესაძლებელი.
აუქციონი 18 აგვისტოს 17:00 საათზე სრულდება. მყიდველი ვალდებულია შეძენილი ქონების თანხა გადაიხადოს აუქციონის დასრულებიდან 30 დღეში.
