ლონდონის ბირჟაზე ქართული კომპანიების კაპიტალიზაცია £1.806 მლრდ-მდე შემცირდა

ლონდონის საფონდო ბირჟაზე ქართული კომპანიების კაპიტალიზაცია უკვე მესამე კვირაა მცირდება.

გასულ კვირასთან შედარებით 50 მლნ ფუნტით 1.806 მლრდ-მდე შემცირებულია სამივე ქართული კომპანიის კაპიტალიაციზია.

Galt and Taggart-ის მონაცემებით, საქართველოს ბანკის ჯგუფის (BGEO LN) აქციები დაიხურა 14.58 ბრიტანულ ფუნტ სტერლინგში (GBP), წინა კვირასთან შედარებით 0.95-ით დაბალი ნიშნულით. ვაჭრობის მოცულობამ 295 000 აქციაზე მეტი შეადგინა.

თიბისი ბანკის ჯგუფის (TBCG LN) აქციების ფასი წინა კვირასთან შედარებით 5.11%-ით შემცირდა და 14.10 ბრიტანულ ფუნტ სტერლინგში (GBP) დაიხურა. ვაჭრობის მოცულობამ 196 000 აქციაზე მეტი შეადგინა.

Georgia Capital-ის (CGEO LN) აქციები დაიხურა 6.54 ბრიტანულ ფუნტ სტერლინგში (GBP), 0.46%-ით მეტი წინა კვირასთან შედარებით. ვაჭრობის მოცულობა 748 000 აქციით განისაზღვრა.

საქართველოს ბანკის კაპიტალიზაცია 717 მლნ ფუნტია (გასულ კვირას 724 მლნ ფუნტია), თიბისის - 778 მლნ (820 მლნ), საქართველოს კაპიტალის 311 მლნ (312 მლნ). აღსანიშნავია, რომ ქართულმა კომპანიებმა 2021 წელი მზარდი კაპიტალიზაციით დაასრულეს, წლის ბოლოს მაჩვენებელმა 2.069 მლრდ ფუნტს მიაღწია.