ლილო მოლი: ლარის კურსი ბიზნესისა და ეკონომიკისთვის დამოკლეს მახვილია

„ლარის კურსის პრობლემა ბიზნესისთვის და ქვეყნისთვის დამოკლეს მახვილია,“ - ასე შეაფასა „ლილო მოლის“ გენარალურმა დირექტორმა ეროვნული ვალუტის გაუფასურების საკითხი.

გიორგი კვარაცხელიას განმარტებით, მთავრობამ, ეროვნულმა ბანკმა და ბიზნესმა ყველაფერი უნდა გააკეთოს იმისთვის, რომ როგორმე ლარის კურსი დარეგულირდეს.

„ყველამ ჩვენი წვლილი უნდა შევიტანოთ ამ მნიშვნელოვანი პრობლემის მოგვარებაში. სხვა გამოსავალი არ არის. ყველამ თავისი საქმე უნდა გააკეთოს იმისთვის, რომ ეს საკითხი გადაწყდეს. ეს ერთობლივი პრობლემაა. ამავდროულად, პანდემიასაც უნდა მიეხედოს. ვინაიდან, ვთვლით, რომ მასაც ძალიან დიდი წვლილი აქვს ლარის გაუფასურებაში. ეროვნული ვალუტის ასეთი გაუფასურება ბიზნესზე უბრალოდ უარყოფითად კი არ მოქმედებს, კლავს ბიზნესს,“ - განაცხადა გიორგი კვარაცხელიამ.