"კულას" ექსპორტი გაუორმაგდა

„კულას“ ექსპორტი გაუორმაგდა. კომპანიის დამფუძნებელი ვანო გოგლიძე „ბიზნესპარტნიორთან“ აცხადებს, რომ რუსეთ-უკრაინის ომის გამო უკრაინა ამერიკის და ევროპის ბაზარს საკონსერვო პროდუქციას ვეღარ აწვდის, რის გამოც „კულას“ პროდუქციაზე მოთხოვნა მკვეთრად გაიზარდა.   

მისი განცხადებით, წელს კომპანია ხილის და ბოსტნეულის გაზრდილ რაოდენობას გადაამუშავებს. თუ გასულ წელს „კულამ“ დაახლოებით 22 000 ტონა პროდუქცია გადაამუშავა, წელს ეს მაჩვენებელი 30 000 ტონამდე გაიზრდება.

კომპანია 2008 წლიდან არსებობს, რომელიც ეკოლოგიურად სუფთა პროდუქტებით გამოირჩევა. ამჟამად კომპანია კულას გააჩნია 5 საწარმო, აქედან, 4 მდებარეობს გორში და 1 ახალციხეში.

კომპანიას თავისი პროდუქცია 27 ქვეყანაში გააქვს. მათ შორის, შეთავაზებაში იქნება „რაჭული ჩირუკაც“.  „კულა“ ნედლეულის 95% პროცენტს ადგილობრივი ფერმერებისაგან და გლეხებისგან იბარებს.