კომპანია EKOSI შემოდგომაზე ბრენდული მაღაზიების გახსნას გეგმავს
EKOSI შემოდგომაზე ბრენდული მაღაზიების გახსნას გეგმავს. კომპანიას სხვადასხვა ხაზი აქვს, მათ შორის, აწარმოებს როგორც მაგიდის გადასაფარებლებს, ისე საწოლის გადასაფარებლებს, კაბა-ხალათებს, ახდენს კერამიკის ჭურჭელზე ხელით მოხატვას და ასე შემდეგ.
როგორც კომპანიის დამფუძნებელი ეკა მოდებაძე „ბიზნესპარტნჯორთან“ აცხადებს, შემოდგომაზე მაღაზიიის გახსნა დაგეგმილია როგორც თბილისში, ისე ბათუმში.ამ დროისთვის ლოკაციის მოძიების პროცესი მიმდინარეობს.
მოდებაძის ინფორმაციით, EKOSI წელიწადნახევრის წინ, პანდემიის პერიოდში დაფუძნდა და ამ დრომდე ონლაინ მიწოდების სერვისის საშუალებით ოპერირებს. გაფართოების გეგმებიც მაღალი მოთხოვიდან გამომდინარეობს.
როგორც EKOSI-ს დაფუძნებელი განმარტავს, კომპანიის მიერ წარმოებული პროდუქტი ექსპორტზეც გაიგზავნა. მათ შორის, აშშ-ში, ბრაზილიაში,გერმანიაში, პოლონეთში და ასე შემდეგ.
რამდენიმე დღეში კომპანია ჩანთების წარმოების დაწყებასაც გეგმავს.
