"კოდა" ბიოკვერცხის წარმოებას გეგმავს

მეფრინველეობის კომპანია „კოდა“  ბიოპროდუქტის წარმოებას გეგმავს. როგორც „ბიზნესპარტნიორს“ კომპანიის დირექტორმა ზურაბ ჭუჭულაშვილი  განუცხადა, მას შემდეგ რაც ეპიდემიოლოგიური მდგომარეობა დასტაბილურდება, „კოდა“ ბიოკვერცხს გამოუშვებს.

ამ დროისთვის მიმდინარეობს მოლაპარაკებები მანქანა-დანადგარებისა და საკვები კომპონენტების შესყიდვასთან დაკავშირებით. პროექტში დაახლოებით 0.5 მლნ დოლარის ინვესტირება იგეგმება.

„პროექტი და პროდუქციის ფასი საკმაოდ ძვირადღირებული იქნება. ამაზე ვმუშაობთ 5 წელია, პანდემიამაც შეგვაფერხა, არც ახლა არ ვიცი კონკრეტული თარიღი როდის შეიძლება დავიწყოთ. დარწმუნებული ვარ, საქართველოში ამ პროდუქციას მომხმარებელი ეყოლება, მასიურ წარმოებაზე საუბარი არ არის. ვფიქრობ, წარმოების 10%-ის ბიოწარმოებაზე გადაყვანას,“ - აცხადებს ჭუჭულაშვილი.

„კოდას“ წლიური წარმადობა 65 მილიონი ცალი კვერცხია, ქათმის ხორცი კი წლის განმავლობაში 1000 ტონის ფარგლებში იწარმოება.