ხულოში სამკერვალო "ბეკო" გაიხსნა

ხულოს მუნიციპალიტეტში სამკერვალო საწარმო ამოქმედდა. კომპანიამ „ბეკი“ სამკერვალოს მოსაწყობად 34 600 ლარის ინვესტიცია განახორციელა. მთლიანი ინვესტიციიდან 27 680 ლარი სოფლის განვითარების პროგრამის თანადაფინანსებაა.

სამკერვალო საწარმოში 17 ადგილობრივია დასაქმებული.

გარემოს დაცვისა და სოფლის მეურნეობის სამინისტროს მონაცემებით, სოფლის განვითარების პროგრამის ფარგლებში 30-ზე მეტი პროექტი დაფინანსდა.

სახელმწიფო თანადაფინანსება - 3.7 მლნ ლარზე მეტს შეადგენს. ჯამური ინვესტიცია - 5.5 მლნ ლარი.

„სოფლის განვითარების პროგრამას“ სოფლის განვითარების სააგენტო (RDA) ევროკავშირისა (EU) და გაეროს განვითარების პროგრამის (UNDP) მხარდაჭერით „სოფლისა და სოფლის მეურნეობის განვითარების ევროპის სამეზობლო პროგრამის” (ENPARD) ფარგლებში ახორციელებს.